‘Oku kau fakataha ‘a e Kolisi Kuini Salote, he fakafeta’i mo e fakamālō ki he ‘Otua Mafimafi he’ene fakataulamahao mai ‘etau fononga ‘otau a’usia ai ‘a e ta’u fakakoloa ´ ni. Ko ‘etau lea pe ia Ko Sihova hotau paletu’a ‘otau ikuna ai ‘a e ngaahi pole ‘o e fononga’anga ni pea tau lea fakataha mo e punake, “‘E hiva e kuo lava ‘a e  me’a ta’e’amanekina ka ko e kelesi pe ia ‘a e ‘Otua”. Neongo ‘a e ngaahi faingata’a ‘I he ta’au ‘a e Covid 19 ka na’e kei lava lelei pe ke fakakakato ‘a e ngaahi polokalama fakalaumalie ‘a e Kolisi Kuini Salote ‘o tatau pe hono malanga ‘aho ngofua mo e assembly ‘o fakatatau meihe faka’ata na’e fai meihe Pule’anga mo e fonua.

‘Oku ou fakafofonga’i atu ‘a e fakamālō ki he Ta’ahine Kuini ‘i ho’o afeitaulalo ka ke toutou ha’elea mai e peito ‘o e Kolisi. Ki he Palesiteni ‘o e siasi pea ki he Faifekau Pule mo e kau Faifekau ‘o e ngaahi Vahenga ngaue kotoa pe ‘o Tongatapu ni ki he ongo Setuata lahi mo e ngaahi kaume’a ‘o e Kolisi kuo mou ‘ofa fakasamaletani mai he me’atokoni, va’afefie, mo e niumotu’u. Pea kia Ma’ake Faka’osifolau mo Lord Tangi ‘I he Tokoni la’ipele mo e la’ilū meihe ngoue Kolisi tutuku Kolisi Ko Tupou. Mālō si’i ‘ofa Tauange ke Tapuaki mai he’e ‘Otua ‘o fakafonu aipe ho’omou ‘ai’anga koloa.